Kryetari i Qytetit të Shkupit, Orçe Gjorgjievski, ka zhvilluar sot një takim të rëndësishëm pune me ambasadoren e Mbretërisë së Holandës, Shkëlqesinë e Saj Ozlem Canel, duke shënuar një hap të ri në thellimin e bashkëpunimit ndërinstitucional mes dy vendeve.
Gjatë takimit u shkëmbyen qëndrime, përvoja dhe vizione konkrete për zgjerimin e bashkëpunimit përmes projekteve të përbashkëta, me theks të veçantë në arsim dhe shkëmbimin e njohurive, forcimin e lidhjeve kulturore, zhvillimin ekonomik lokal si dhe mbështetjen e industrive kreative si motor i rritjes moderne urbane.
Gjorgjievski theksoi rëndësinë e qasjes partneriale, zgjidhjeve inovative dhe vizionit afatgjatë për ndërtimin e politikave të qëndrueshme që ndikojnë drejtpërdrejt në përmirësimin e cilësisë së jetës së qytetarëve.
Të dy bashkëbiseduesit u pajtuan se komunikimi i hapur dhe i vazhdueshëm është themel për bashkëpunim të suksesshëm, duke shprehur gatishmëri për hapjen e perspektivave të reja dhe realizimin e iniciativave konkrete në dobi të të gjithë qytetarëve të Shkupit.
