Emisionet nga procesi i prodhimit në fabrikën e çimentos TITAN USJE janë vazhdimisht nën kufijtë e lejuar ligjorë dhe monitorohen pa ndërprerje që nga viti 2007 nga një sistem i pavarur dhe automatik.
Sipas të dhënave zyrtare, matjet e pluhurit total, SO₂ dhe NOx kryhen 24 orë në ditë, gjatë gjithë vitit, nën mbikëqyrjen e institucioneve kompetente, pa asnjë mundësi ndikimi nga kompania. Procesi teknologjik parashikon ndalje të menjëhershme të prodhimit në rast se filtrat nuk funksionojnë.
Matjet e ajrit ambiental tregojnë se veprimtaria e TITAN USJE nuk ndikon në rritjen e grimcave PM10, ndërsa puna e kompanisë është vazhdimisht nën kontrollin e Inspektoratit Shtetëror për Mjedisin.
Prodhimi zhvillohet në mënyrë të vazhdueshme vetëm kur furrat janë aktive, ndërsa intensiteti i prodhimit rritet gjatë muajve të verës për shkak të kërkesës më të madhe për çimento.
