Agjencia për komunikime elektronike (AKE) e ka vazhduar për 96 ditë afatin për dokumentacionin e tenderit për operatorin e tretë me kërkesë të ofertuesit të vetëm në tenderin “One Telekomunikacioni Maqedoni” të kompanisë hungareze “For- aj-xhi”. Kështu, në përputhje me Vendimin e AKE-së, afati për marrjen e vendimit për zgjedhjen e ofertuesit më të volitshëm është 12 janari 2026, ndërsa data 25 shkurt 2026 për dhënien e miratimit për përdorimin e radiofrekuencave.
AKE shpjegon se Vendimi është miratuar më 21 nëntor të këtij viti, bazuar në nenin 24, paragrafi 1, alineja 5 e Ligjit për komunikime elektronike dhe nenin 44, paragrafi 3 të Ligjit për Procedurën e përgjithshme administrative, konform Vendimit për shpalljen e Tenderit publik me ofertë publike për dhënien e miratimeve për përdorimin e radiofrekuencave 700 MHz, 1800 MHz dhe 3.x GHz dhe konform Kërkesës për vazhdimin e afateve të dorëzuara nga “One Telekomunikacioni i Maqedonisë” SHPKPNj Shkup të datës 20.11.2025.
Pas hapjes së ofertës së tenderit më 22 gusht të këtij viti, Komisioni për zbatimin e tenderit publik me ankand publik konstatoi se të gjitha dokumentet plotësojnë kushtet e përcaktuara në dokumentacionin dhe janë në përputhje me ligjin, por për shkak të shpalljes së zgjedhjeve lokale që u mbajtën në tetor, “vendimi përfundimtar për zgjedhjen e ofertuesit më të favorshëm u shty deri pas zgjedhjeve”.
“Në Kërkesën e paraqitur për vazhdimin e afateve të paraqitura nga “One Telekomunikacioni Maqedoni” SHPKPNj Shkup 0201-1103/31 nga 20.11.2025, ata thirren në ndërprerjen e procedurës për shkak të procesit zgjedhor për një periudhë totale prej 96 ditësh (nga 09.08.2025 deri më 12.11.2025) dhe bazuar në Nenin 44 paragrafi 3 të Ligjit për procedurën e përgjithshme administrative (Gazeta Zyrtare nr. 124/15 dhe 65/18) i cili parashikon se “afati i përcaktuar nga personi i autorizuar zyrtar, si dhe afati i përcaktuar me rregulloret për të cilat është parashikuar mundësia e vazhdimit, mund të zgjatet me kërkesë nga personi i interesuar e paraqitur para skadimit të afatit- nëse ka arsye të justifikuara për vazhdim”, pastaj kërkojnë të vazhdohen gjitha afatet për 96 ditë, thonë nga AKE dhe shtojnë se në përputhje me Ligjin për komunikime elektronike dhe konform me vendimin për përfundimin e zgjedhjeve, nga 12 nëntori i këtij viti afatet e përcaktuara në dokumentacionin e tenderit vazhdojnë të rrjedhin.
Në tregun e komunikimeve elektronike në vend punojnë rrjetet e operatorëve, Telekomi i Maqedonisë SHA Shkup, A1 Maqedoni SHPKPNj Shkup, si dhe operatorët virtualë Lajkamobajl SHPKPNj Shkup, MTEL SHPKPNj Shkup, ROBI SHPKPNj Shtip dhe Green Telekomunikacioni SHPKP Prilep.
