Sekretari amerikan i Shtetit, Marco Rubio, mbërriti në Gjenevë këtë mëngjes, ku zyrtarët e atij vendi, të Ukrainës dhe të disa vendeve të tjera evropiane pritet të diskutojnë planin e Presidentit të Shteteve të Bashkuara të Amerikës (SHBA) Donald Trump për t’i dhënë fund luftës midis Rusisë dhe Ukrainës.
Rubio mbërriti në Gjenevë rreth orës 8:30 të mëngjesit dhe atij duhet t’i bashkohet i dërguari diplomatik i Trump, Steve Witkoff, sipas zyrtarëve amerikanë.
Përpara negociatave, Kievi dyshon se do të detyrohet të kapitullojë ndaj Moskës dhe të lëshojë territore të caktuara, ndërsa Trump ofron garanci sigurie për Ukrainën për të parandaluar sulme të mëtejshme ruse.
Plani i Trump përfshin disa kërkesa të rëndësishme ruse, të tilla si që Ukraina të heqë dorë nga pjesë të territorit të saj, të pranojë reduktimin e ushtrisë së saj dhe të heqë dorë nga anëtarësimi në NATO.
Presidenti i Ukrainës, Volodymyr Zelensky, njoftoi të premten se do të propozojë alternativa për negociatorët amerikanë.
