Artistit Haki Pajaziti – i njohur si Hakko – i është shtuar edhe një projekt i ri muzikor repertorit të tij, duke shënuar kështu këngën e gjashtë dhe videoklipin e tretë në karrierë. Kënga është punuar në studion NP Records në Shkup, ndërsa videoklipi është realizuar në bashkëpunim me Albart Production, me xhirime në disa pjesë të ndryshme të qytetit.
Projekti i ri sjell një histori emocionale, duke trajtuar jetën e një çifti, kujtimet e bukura që ata ndajnë, dashurinë që i ka lidhur dhe sfidat që kanë kaluar së bashku. Përmes vargjeve dhe interpretimit, Hakko sjell një rrëfim të sinqertë që shumë dëgjues mund ta ndiejnë afër vetes.
Artistit i presin edhe angazhime të reja, pasi ka njoftuar se deri në fund të vitit do të publikojë edhe dy projekte të tjera, dhe njëri prej tyre pritet të vijë gjithashtu i shoqëruar me videoklip.
Hakko vazhdon të jetë aktiv dhe në rritje në skenën muzikore, me projekte të punuara profesionalisht dhe një stil që po tërheq gjithnjë e më shumë vëmendjen e publikut.
