Ne si shumicë parlamentare e udhëhequr nga VMRO-DPMNE, kemi detyrimin të vendosim standarde të reja, të korrigjojmë atë që ishte e gabuar dhe ta rikthejmë dinjitetin e institucioneve dhe qytetarëve, tha Dragana Bojkovska, deputete e VMRO-DPMNE-së në debatin e Komisionit mbi Propozim- buxhetin e vitit 2026.
Sipas saj, segmenti më i rëndësishëm që përcakton të ardhmen e Republikës së Maqedonisë së Veriut është investimi në të rinjtë dhe arsimin.
Bojkovska theksoi se ky Propozim- buxhet e bën pikërisht këtë, forcon infrastrukturën arsimore, mbështet studentët, mbështet shkencën dhe krijon kushtet që të rinjtë meritojnë.
“Ministria e Arsimit dhe Shkencës merr 45.7 miliardë denarë që është 1.1 miliardë denarë më shumë se në vitin 2025”, tha Bojkovska.
Bojkovska informoi për mjetet e ndara për arsim.
“Në arsimin e lartë 11,290 milionë denarë – një rritje prej 315 milionë. Ka rritje për USHCM, për Universitetin Shën Klimenti i Ohrit në Manastir, për Universitetin e Tetovës dhe Universitetin Goce Dellçev në Shtip. FSHIIK dhe FKZ më në fund do të kenë ndërtesa moderne dhe funksionale, për to janë ndarë 32.5 milionë denarë në vitin 2026. Studentët tanë e kanë merituar këtë prej kohësh. Mjaft me klasa të improvizuara dhe kushte të këqija. Ndërsa disa gënjyen, bënë video dhe premtuan qytete studentore, ne gjejmë zgjidhje për problemet. Dhe më e rëndësishmja – i realizojmë ato”, thotë Bojkovska.
Bojkovska ka theksuar konkretisht programin për departamentin e shkencës, duke informuar se ndahen 823.4 milionë denarë.
“Ose 26% më shumë se në vitin 2025. Ky është një nga prioritetet tona – të investojmë në kërkimin shkencor dhe të kemi komb që do ta mbajë shtetin në shtylla të shëndosha. Asnjëherë më parë shkenca dhe aktiviteti shkencor nuk janë mbështetur më shumë”, tha Bojkovska.
