Pas fitores së zgjedhjeve lokale në Strugë, kryetari i ardhshëm Mendi Qyra ka ndarë me qytetarët një mesazh mirënjohjeje dhe motivimi. Ai thekson se mijëra urime dhe mesazhe mbështetjeje nga qytetarët e kanë mbushur me gëzim dhe energji për të punuar më shumë për qytetin.
“Faleminderit pafund për çdo urim. Ndjej se nuk jam vetëm në këtë rrugëtim, ju jeni pjesë e kësaj fitoreje dhe e ndryshimit që duam për Strugën,” shkruan Qyra. Ai shton se mesazhet e qytetarëve i japin forcë dhe vullnet për të dhënë gjithçka nga vetja për një Strugë ndryshe dhe më të mirë.
Në mesazhin e tij dypjesësh, edhe në gjuhën maqedonase, Qyra falënderon qytetarët për besimin dhe dashurinë, duke theksuar rëndësinë e përfshirjes së secilit në realizimin e vizionit të tij për një komunë të fortë dhe të zhvilluar.
