Pse disa njerëz janë të lumtur e të suksesshëm, ndërsa të tjerët jetojnë në mjerim e pasiguri? A ekziston me të vërtetë “fati”, apo çdo njeri e ndërton vetë jetën e tij me mendime e besim?
Në esenë filozofike “Sekreti i Lumturisë”, theksohet se njeriu nuk është viktimë e rrethanave, por krijuesi i realitetit të vet.
Vuajtja, sëmundja dhe varfëria nuk janë dënime, por pasojë e mendimeve negative. “Zoti ia ka dhënë njeriut gjithçka – lirinë për të zgjedhur lumturinë apo mjerimin. Por shumica nuk dinë ta përdorin këtë dhuratë hyjnore”.
Në këtë kuptim, njeriu është i lirë të zgjedhë në pëlhurën e jetës: të shkruajë fjalën mjerim ose lumturi. “Nuk ka jetë pa vuajtje, sepse në njeriun gjenden vetë shkaktarët e saj. Por aty gjendet edhe forca për t’i tejkaluar ato.
