Koalicioni VLEN tubimin kryesor mbrëmë e ka zhvilluar në Tearcë. Nga VLEN thonë se nga Tearca u dërgua mesazh se ata më nuk pranojnë mashtrime, padrejtësi dhe premtime të kota.
“VLEN nuk ndëshkon qytetarët për shkak të keqqeverisjes lokale. Përkundrazi, vetëm nga Ministria e Transportit dhe Lidhjeve dhe Ministria e Ekologjisë janë realizuar mbi 2.5 milionë euro investime, sepse zhvillimi nuk njeh ngjyra partie.
Nga Tearca me Një Zë u tha se me Daut Memishin për kryetar komune, Lavdim Farizin bartës liste ndryshimi është i pashmangshëm.
Më 19 tetor, qytetarët e Tearcës do ta kthejnë komunën në duar të ndershme, të punës, të dijes dhe të përkushtimit.
VLEN – Një Zë për Tearcën që punon, që ngrihet dhe që nuk dorëzohet”, thuhet në komunikatën e VLEN-it.
VLEN: Tearca nuk pranon më mashtrime, koha e ndryshimit ka ardhur me Daut Memishin
