Presidenti i shtetit, Stevo Pendarovski thotë se është e papranueshme që qytetarët të vendosen në ankth dhe panik në lidhje me atë nëse do të dënohen, në rast se vozisin brenda territorit të shtetit me leje për vozitje me emrin e vjetër të shtetit. Ai u bën apel të gjitha partive politike që të bëjnë ndryshime të Ligjit për Siguri në Trafik por edhe të normave tjera ligjore, me qëllim që qytetarët që kanë patentë shoferi me afat të mund t’i përdorin të njëjtat në gjithë territorin e vendit.
