Sot përkujtohet 21-vjetori i ndarjes nga jeta i Nuri Mazarit, i njohur si “Komandant Struga”. Ai lindi më 5 maj 1979 në Dollogozhdë të Strugës dhe u nda nga jeta më 11 korrik 2005.
Nuri Mazari mbetet një figurë e njohur për shumë qytetarë të Strugës. Ai ishte pjesëmarrës në luftën e Kosovës dhe në konfliktin e vitit 2001 në Maqedoni të Veriut, ndërsa pas kthimit në vendlindje u angazhua edhe në jetën publike, duke u zgjedhur këshilltar në Komunën e Strugës.
Me rastin e përvjetorit të tij, familjarë, bashkëluftëtarë dhe qytetarë e kujtojnë figurën e tij dhe kontributin që, sipas tyre, la pas në historinë e kësaj treve.
Nuri Mazari u vra më 11 korrik 2005 në fshatin e tij, Dollogozhdë, në moshën 26-vjeçare. Kujtimi për të vazhdon të mbahet përmes aktiviteteve përkujtimore dhe nderimeve të organizuara ndër vite.
