Xherdan Shaqiri po shkëlqen që nga rikthimi i tij në Superligën e Zvicrës. Ai është rikthyer në futbollistin më të rëndësishëm tek skuadra e Baselit dhe po ashtu në futbollin zviceran.
Me pesë gola dhe tetë asistime në 14 ndeshje, Shaqiri është një kontribues i jashtëzakonshëm tek skuadra, gjë e cila ka ndikuar që mediumi i njohur atje, ’20 Minuten.ch’, respektivisht dy gazetarët Fabian Ruch dhe Sven Forster, t’i japin epitetin e futbollistit më të mirë të gjysmës e parë të sezonit.
