Moti sot do të jetë me vranësira të ndryshueshme me reshje të herëpashershme lokale shiu. Do të fryjë erë mesatare, herë pas here e përforcuar nga drejtimi jugor. Temperatura minimale do të jetë në intervalin prej 7 deri në 11 gradë, ndërsa maksimale do të arrijë nga 11 deri në 14 gradë Celsius.
Në Shkup moti do të jetë me vranësira të ndryshueshme me kushte për shi të herëpashershëm. Do të fryjë erë mesatare nga drejtimi jugor. Temperatura minimale do të bjerë në 9, ndërsa maksimale do të arrijë 13 gradë.
Të mërkurën do të ketë reshje shiu, lokalisht më të bollshme mbi 25 litra për metër katror, veçanërisht pasdite dhe gjatë natës, kur do të shndërrohen në borë në pjesët perëndimore. Do të fryjë erë e përforcuar nga drejtimi jugor (mbi 60 kilometra në orë).
Për shkak të depërtimit të ajrit më të ftohtë dhe erës së fortë veriore, reshjet të enjten do të jenë kryesisht me borë. Pritet të formohet një shtresë e re bore në pjesët perëndimore. Të premten do të ketë një stabilizim të përkohshëm të motit, ndërsa gjatë fundjavës do të ketë përsëri reshje lokale shiu dhe bore.
