VMRO-DPMNE ka reaguar ndaj ish-ministres dhe ish-sekretare shtetërore në Ministrinë e Mjedisit Jetësor, Kaja Shukova, duke e akuzuar se gjatë orarit të punës ka mbajtur konferenca për shtyp në selinë e LSDM-së.
Nga partia opozitare thonë se është “skajshmërisht e papërgjegjshme” që Shukova, e cila mbi 20 vite ka qenë e punësuar në këtë ministri dhe 7 vite ka ushtruar funksione publike si sekretare shtetërore dhe ministre, të premtojë se një problem shumëvjeçar mund të zgjidhet për tre muaj.
Sipas VMRO-DPMNE-së, LSDM gjatë kohës sa ka qeverisur, ka kontribuar në krijimin e problemeve me mjedisin jetësor, duke përmendur si shembull heqjen e shërbimeve të rojeve në Vardarishtë dhe Drisla.
Nga opozita kërkojnë përgjigje nga Shukova: si është e mundur një e punësuar në Ministrinë e Mjedisit Jetësor të largohet nga puna për të mbajtur konferenca partiake gjatë orarit zyrtar? A ka pasur leje për dalje, apo ka përdorur orë private?
“Për këto pyetje, Shukova duhet të përgjigjet menjëherë,” theksojnë nga VMRO-DPMNE.
