VMRO-DPMNE ka dorëzuar në Prokurori kallëzim penal kundër ish-ministrit të brendshëm Oliver Spasovskit, për të cilin vlerësojnë se drejtpërdrejt është përgjegjës për kaosin me dokumentet personale, përcjell TV21. VMRO-DPMNE kallëzimin e ngre mbi bazën e shpërdorimit të detyrës dhe kompetencave zyrtare, si dhe vepron me pakujdesi në shërbim. Nga partia opozitare presin që Prokuroria ta pranojë kallëzimin penal dhe të hapë hetimi për Spasovskin.
“Oliver Spasovski, i cili në cilësinë e ministrit të Punëve të Brendshme, për një periudhë rreth 2 vjet e gjysmë lëshonte dokumente personale, për të cilat e dinte dhe ishte i vetëdijshëm se vlefshmëria e tyre nuk do të zgjaste më shumë se sa vendosej në dokumente, por vlefshmëria e tyre do të përfundonte më datë 12.02.2024. Përkatësisht, gjatë kësaj periudhe nga 12 shkurt 2019 deri në mesin e vitit 2021, ai me vetëdije dhe drejtpërdrejt duke udhëhequr me Ministrinë e Punëve të Brendshme, e cila në fakt i nxjerr këto dokumente, ka dëmtuar dhjetëra mijëra qytetarë”, tha Igor Janushev, VMRO-DPMNE.
