Messi qeni i dashur që mori pjesë në Oscars 2024 si i ftuari më i rëndësishëm në sallë, jo vetëm luajti në filmin fitues ‘Anatomy of a Fall’, por ai gjithashtu mbylli shfaqjen si aktori kryesor në shakanë e fundit të Jimmy Kimmel kundër ‘armikut’ të tij Matt Damon.
Pasi Kimmel përfundoi transmetimin në Teatrin Dolby, kamera kapi një pamje të qenit shtatëvjeçar duke ngritur këmbën për të urinuar mbi yllin e aktorit të Oppenheimer në ‘Hollywood Walk of Fame’. Menjëherë pasi ngriti këmbën, Messi doli jashtë kornizës dhe transmetimi zyrtarisht përfundoi.
Messi u bë lajm më herët në shfaqje kur u ul në vendin e tij në ambientet e ndarjes së çmimeve Oscar si i vetmi qen i vitit me një karrige të caktuar. Më vonë gjatë shfaqjes, çmimet Oscar treguan një pamje të shkurtër të Messit të ulur mes turmës, teksa një palë putra të rreme qeni u ngritën për të bërë të duket sikur ai duartrokiste përkrah të pranishmëve të tjerë.
