Në Kërçovë u mbajt mbledhja e parë mes Liderit të Bashkimit Demokratik për Integrim, z. Ali Ahmeti, dhe Kryetarit të ri të Degës së BDI-së në Kërçovë, Dr. Arlind Sejdini, në prani të aktivistëve dhe strukturave partiake lokale.
Gjatë takimit u konfirmua njëzëri përkrahja e plotë e aktivit partiak ndaj Kryetarit të Degës, duke u theksuar uniteti, përgjegjësia dhe gatishmëria për angazhim të përbashkët në funksion të riorganizimit dhe avancimit të veprimtarisë partiake në Degën e BDI-së – Kërçovë.
Në kuadër të riorganizimit dhe fuqizimit të strukturave partiake, u bë e ditur se do të nisë procesi i riorganizimit të nëndegëve në të gjithë territorin e Kërçovës. Ky proces synon rritjen e efikasitetit, përfshirjes dhe koordinimit më të mirë të aktiviteteve partiake në çdo lagje dhe vendbanim.
Unanimisht u vlerësua se brenda një afati prej 30 ditësh do të mbahen kuvendet e nëndegëve, si dhe Kuvendi i Degës së BDI-së në Kërçovë.
Aktivi i BDI-së në Kërçovë shprehu falënderim dhe mirënjohje për çdo anëtar dhe përkrahës të përkushtuar ndaj parimeve dhe programeve politike të partisë, të cilat janë në shërbim të qytetarëve dhe zhvillimit të vendit.
