Gjykata e Tiranës ka liruar anëtarët e Partisë “Shqipëria Bëhet?”, të cilët u arrestuan më 4 janar në protestën e organizuar nga Adriatik Lapajt.
Gjykata ka vendosur lirimin e tyre dhe caktimin e masë së sigurisë “Detyrim Paraqitje” për Eliger Hima, Ergys Llanaj, Afred Matoshin dhe Edison Haklajn.
Gjykata ka vlerësuar se arrestimi i tyre ishte i paligjshëm.
Kujtojmë që policia vuri në pranga 4 persona pasi dyshohet se hodhën sende të forta në drejtim të punonjësve të uniformave blu.
Kujtojmë që në protestë mbeti i lënduar edhe vetë Adriatik Lapaj, i cili u dëmtua në kokë dhe përfundoi në Spitalin e Traumës.
