Ministri i Punëve të Brendshme, Pançe Toshkovski sot në orën 13:00 do të marrë pjesë në stërvitjen simuluese për lëndime të shkaktuara nga përdorimi i mjeteve piroteknike – fishekzjarreve, që do të mbahet në Sheshin “Maqedonia” në Shkup, afër Portës “Maqedonia”.
Stërvitja do të realizohet nga SPB Shkup, në bashkëpunim me Kryqin e Kuq dhe nxënësit e SHM “Vllado Tasevski”, si pjesë e fushatës për ngritje të vetëdijes publike për rreziqet nga përdorimi i mjeteve piroteknike, nën moton: “Argëtuese për momentin, e kobshme për tërë jetën”.
