Kandidati i pavarur për kryetar komune të Makedonski Brodit, Milosim Vojneski, është tërhequr nga gara zgjedhore në raundin e dytë, përcjell TV21. Në një postim në rrjetet sociale, ai u shprehu mirënjohje qytetarëve për mbështetjen në raundin e parë dhe njoftoi se, pas konsultimeve, ka vendosur ta tërheqë kandidaturën.
“VMRO-DPMNE është partia ime amë, së cilës i kam kushtuar pjesën më të madhe të jetës. Besoj se ky është vendimi më i mirë në interes të qytetarëve të Makedonski Brodit,” shkroi Vojneski. Në raundin e parë, kandidati i VMRO-DPMNE-së, Zharko Risteski, mori 1.539 vota, ndërsa Vojneski 705.
