Kreu i Aleancës për Shqiptarët Arben Taravari tha se mbeten në qëndrimin që pas gjashtë muajsh qeverisje të diskutojnë për ndryshimet kushtetuese. Sipas tij, fillimi i negociatave duhet të ndodhë sa më shpejt. Taravari nuk komentoi pyetjen se çfarë do të ndodhë, nëse ndryshimet nuk bëhen.
“Ne jemi konsistent në qëndrimet tona. Pas gjashtë muajsh ulemi e bisedojmë dhe e rishikojmë, i konsultojmë të gjithë faktorët me relevancë për ne dhe vazhdimisht jemi në komunikim me të gjithë faktorët për një gjë që është shumë e rëndësishme për ne, ajo është që Maqedonia sa më shpejt t’i fillojë negociatat për në Bashkimin Evropian sepse është për të mirën e të gjithë qytetarëve që jetojnë në Maqedoni”, tha Arben Taravari, kryetar i Aleancës për Shqiptarët./Alsat.mk
