Ministri i shëndetësisë Arben Taravari sot ka qëndruar në spitalin e Velesit ku ky spital është paisur me paisje të reja mjekësore për dy repartet ate të ortopedisë dhe urologjisë, shkruan Top24
Pajisje të reja dhe moderne mjekësore për repartet e ortopedisë dhe urologjisë në spitalin e Velesit.
Kjo ishte arsyeja e vizitës së sotme të ministrit të Shëndetësisë, Dr. Arben Taravari, së bashku me zëvendësministrin, Jovica Andovski. Shtylla artroskopike me rezolucion 4K për procedura ortopedike dhe traumatologjike më të shpejta dhe cilësore, si dhe lazeri kirurgjik tulium për operacione të prostatës dhe gurëve në traktin urinar. Pacientët do ta marrin këtë shërbim shëndetësor më afër vendbanimit të tyre. Vlera e pajisjeve të reja është 24.5 milionë denarë.
