Dy ushtarë amerikanë u plagosën në sulmet me dronë në një bazë ushtarake në Irakun verior mbrëmë. Një burim sigurie për Sky News deklaroi se dy ushtarët janë në gjendje të mirë.
Në total, 11 dronë u qëlluan në bazën, e cila ndodhet brenda Aeroportit Ndërkombëtar të Erbilit.
Një shef ushtarak i Mbretërisë së Bashkuar tha gjithashtu se trupat britanike u sulmuan në një bazë ushtarake në Erbil mbrëmë.
“Erbili dhe Bagdadi u goditën disa herë mbrëmë”, tha brigadieri Guy Foden në një konferencë shtypi në Londrën veriperëndimore më parë. Ai shtoi se ata qëlluan dy mjete ajrore pa pilot.
