Siljanovska Davkova: Pres që vendi të vazhdojë me zhvillimin dhe reformat dhe të bëjë një hap drejt qëllimit tonë natyror – BE-së

Çfarë na pret? Ajo që ka filluar nuk duhet të mbetet e njëjtë, por duhet të zhvillohet, sepse nëse keni filluar reformat në gjyqësor, ato duhet të vazhdojnë. Duhet të mendoni në mënyrë sistematike sepse kur analizoni problemet më tronditëse, të tmerrshme dhe tragjike si ai në Koçan, gjithmonë në fund arrijmë në përfundimin se problemi është sistemik. Nuk është një incident i lidhur me një ose disa individë. Duhet të largohen shkaqet”, tha Siljanovska Davkova gjatë një vizite të pjesëtarëve e Armatës në kazermën “Alekso Demnievski Bauman” në Veles.

Sipas saj prandaj është shumë i rëndësiahëm miratimi i Ligjit për Këshillin Gjyqësor i cili, siç thekson, është hapi i parë ose fillimi. Është i rëndësishëm edhe Ligji për Prokurorinë Publike, Kodi Penal, sepse sipas saj, ato mundësojnë një qasje sistematike në pozicionimin e institucioneve, kompetencës, por, siç thekson, kryesisht në rekrutimin e një profili njerëzish që besojnë në atë që është shkruar në ligje, sepse është një standard dhe praktikë evropiane dhe lidhet me sundimin e ligjit.

Sipas saj, është e nevojshme të ketë një plan kombëtar për zhvillim, përndryshe në të kundërtën, shumë vështirë do të dimë ku t’i ndajmë pratë, në çfarë të japim prioritet si shtet dhe në cilën mënyrë.

Nuk duhet, thotë presidentja, në asnjë mënyrë nuk duhet të neglizhohet diaspora.

Sipas saj, është i rëndësishëm edhe mjedisi jetësor dhe zhvillimi i infrastrukturës.

Konsideron se duhet të vazhdohen edhe  reformat e filluara edhe në arsim  dhe të investohet në shkencë, arsim dhe në kulturë,  sepse, siç theksoi, aty mund të jemi më të mëdhenj se më të mëdhenjtë.

Ajo shtoi se nuk duhet të neglizhohet edhe roli i mediave dhe tl mundësohet liria e tyre e shprehjes dhe kritikës,  megjithëse siç thotë, ndonjëherë politikanëve dhe qeverisë nuk u pëlqen ajo që shkruhet për ta ose pyetjet që u bëhen, sepse, konsideron, kjo është shumë e rëndësishme për demokracinë në vend.

Sipas Siljanovska Davkovës, sjellja jonë këtë vit do të varet kryesisht nga marrëdhëniet në Evropë dhe në botë.

“Atje shohim gjëra që ndodhin për të cilat askush, përfshirë edhe mua, nuk mund ta besojë se në shekullin 21 në Evropë do të ketë, se do të ketë standarde të dyfishta në trajtimin e viktimave”, tha presidentja e Maqedonisë së Veriut.

Paralajmëroi dhe i bën thirrje qeverisë që të frenojë në sjelljen e saj, sepse, siç theksoi,  çdo pushtet mund të prishet.