Ndërmarrjet shtetërore të rezervave të drithërave në Kinë vlerësohet se kanë blerë sivjet rreth 420 milionë tonë drithëra nga bujqit dhe prodhuesit e tjerë, duke shënuar për vitin e dytë me radhë një vëllim blerjeje që i tejkalon 400 milionë tonë.
Sipas një konference kombëtare pune mbi rezervat ushqimore e strategjike që përfundoi të enjten, Kina ka forcuar organizimin e koordinimin e blerjes së drithërave dhe ka marrë masa të shumta për të lehtësuar shitjen e drithërave prej bujqve
Blerja e drithërave, së bashku me politikën e përcaktimit të çmimit minimal të blerjes, është një pjesë e rëndësishme e masave të makrokontrollit të Kinës, që ka rol kyç për mbrojtjen e sigurisë ushqimore kombëtare, ruajtjen e qëndrueshmërisë së çmimeve të ushqimit, mbrojtjen e interesave të bujqve dhe sigurimin e furnizimeve ushqimore në raste emergjente.
Tani blerja e drithërave të vjeshtës po përshpejtohet, me blerjen e misrit që po hyn në pikën kulmore në rajonet veriore dhe verilindore të vendit, bëri të ditur Liu Huanxin, kreu i Administratës Kombëtare të Ushqimit dhe Rezervave Strategjike
