Selvija, bashkëshortja e ndjerë e këngëtarit Shpat Kasapi, ka ndarë një mesazh tejet emocional, duke zbuluar një dëshirë të pathënë më parë të artistit: hyrjen në formatin Big Brother.
Ajo rrëfen se Shpati kishte shprehur dëshirën për t’u bërë pjesë e këtij formati dhe se e kishte pyetur nëse ajo do ta përballonte mungesën e tij dhe kujdesin për djalin e tyre, Roelin. Selvija tregon se, me shaka dhe pa e menduar thellë, i kishte thënë se gjithçka do të ishte në rregull.
Por fati kishte plane të tjera.
“Nuk e mendoja kurrë që jeta do të më sfidonte kështu… që mungesa jote të bëhej e përjetshme”, shprehet ajo, duke theksuar se dhimbja më e madhe është fakti që Roeli po rritet pa praninë dhe dorën e të atit.
Mesazhi i Selvisë ka prekur thellë ndjekësit, të cilët kanë reaguar me ngushëllime dhe mbështetje, duke e cilësuar rrëfimin si një dëshmi të fortë dashurie, humbjeje dhe dhimbjeje që nuk shuhet me kohën.
