Rita Ora po shijon disa ditë pushimi në Ibiza, në shoqërinë e bashkëshortit të saj, regjisorit Taika Waititi, dhe disa miqve.
Këngëtarja 35-vjeçare u fotografua të martën, më 11 gusht, duke kaluar kohë në një jaht në brigjet e Ibizës, Spanjë, ku shijoi detin dhe temperaturat e larta të verës.
Rita tërhoqi vëmendjen me paraqitjen e saj në një bikini minimalist, duke vënë në pah format e saj trupore teksa po kalonte një ditë relaksi në det.
Foto: Backgrid USA
Gjatë qëndrimit në jaht, këngëtarja u pa edhe me syze zhytjeje, teksa u hodh në det për të eksploruar ujërat. Ndërkohë, ajo dhe Taika, 50 vjeç, u fotografuan duke qëndruar së bashku mbi një gomone, ndërsa shijonin kohën në ujë.
Rita Ora dhe regjisori fitues i çmimit Oscar, Taika Waititi, u raportua se u martuan në një ceremoni intime në Londër në gusht të vitit 2022.
Çifti nuk e konfirmoi menjëherë martesën, ndërsa Rita e bëri publike lidhjen e tyre martesore disa muaj më vonë.
Në janar të vitit 2023, gjatë një interviste në emisionin radiofonik “Heart Breakfast”, Rita konfirmoi se ishte zyrtarisht e martuar.
