Kandidati i pavarur për Strugën, Mendi Qyra, ka ndarë me qytetarët një moment frymëzues nga fushata e tij, duke vlerësuar angazhimin e të rinjve që po e udhëheqin ndryshimin me energji dhe ide të reja.
Kështu pozitivë dhe plot energji, të rinjtë tanë sot ndanë numrin e dytë të gazetës që ata vetë krijojnë në këtë fushatë zgjedhore, ‘Ndryshe për Strugën’.
Më bënë krenar mënyra si ata kanë zgjedhur të ngrenë zërin në këtë fushatë: me ide, me vizion dhe me përgjegjësi, jo me propagandë të sëmurë,” – shkruan Qyra.
Ai theksoi se kjo është rinia që i duhet Strugës – aktive, kreative dhe me dashuri për qytetin e vet.
Sipas tij, me këtë energji “ndryshimi nuk është vetëm i mundur, është i pashmangshëm.”
Qyra i ftoi qytetarët ta lexojnë numrin e ri të gazetës në linkun e publikuar më poshtë.
https://www.facebook.com/share/p/1GsNLPh4hd/
