Jam thellësisht i tronditur dhe i shqetësuar për ngjarjen e rëndë që ka ndodhur. Në këtë moment të vështirë, lutem me gjithë zemër për shërimin sa më të shpejtë të bashkëfshatarit tonë, Dr. Zekerijait.
Apeloj tek të gjithë për qetësi dhe maturi. Kjo ngjarje është mbi gjithçka një moment i dhimbjes për një njeri, një jetë, dhe një familje që po kalon ditë të vështira. Le të mos e shohim këtë ngjarje përmes lenteve politike, por si një thirrje për solidaritet dhe mbështetje të ndërsjellë.
Jemi pranë familjes dhe do të ofrojmë çdo mbështetje që mundemi për ta kaluar këtë periudhë të vështirë.
Po ashtu, kërkojmë nga organet e rendit dhe institucionet përkatëse që të punojnë me përkushtim dhe profesionalizëm për zbardhjen e plotë të rastit dhe identifikimin e autorëve sa më parë.
