Në Gjykatën Themelore në Prishtinë, të hënën po mbahet seanca e radhës ndaj Naim Murselit, Kushtrim Kokallës dhe Granit Plavës.
Naim Murseli, Granit Plava, Kushtrim Kokalla dhe Tom Dodaj, ngarkohen për rastin e vrasjes së Liridona Ademajt më 29 nëntor 2023, raporton “Betimi për Drejtësi”.
Tre të akuzuarit tashmë janë sjellë në sallën e gjykimit.
Në këtë seancë, do të dëgjohet grupi i ekspertëve të psikiatrisë: Shpend Haxhibeqiri, Ajet Bunjaku, Blerina Hoxha dhe Bujar Obërtinca.
Në seancë mungoi eksperti mjeko-ligjor Naim Uka, i cili e ka njoftuar Gjykatën se ndodhet në një kongres mjekësor në Turqi nga 22 deri më 28 shtator.
Dëshminë e ka nisur eksperti Shpend Haxhibeqiri.
