Qeveria e re e Maqedonisë, e udhëhequr nga Kryeministri Hristijan Mickoski, si dhe vendimet e saj deri më tani në lidhje me kredinë nga Hungaria dhe ngrirjen e çmimeve për “shportën e Vitit të Ri”, gëzojnë kryesisht mbështetjen e qytetarëve të Maqedonisë. Për punën e saj në pesë muajt e parë, Qeveria dhe Kryeministri kanë marrë vlerësime pozitive nga qytetarët. Këto janë disa nga rezultatet e një sondazhi të opinionit publik, të kryer nga agjencia Market Vision për MKD.mk nga 6 deri më 15 dhjetor, me 1,200 të anketuar.
Ky sondazh tregon se ka një diferencë të vogël në perceptimin e qytetarëve për drejtimin në të cilin po ecën Maqedonia – 35.6% e të anketuarve mendojnë se drejtimi është i duhur, ndërsa 34.3% mendojnë të kundërtën.
Megjithatë, qytetarët e Maqedonisë janë të kënaqur me punën e Qeverisë gjatë pesë muajve të fundit – gjithsej 38.9% e të anketuarve janë të kënaqur ose shumë të kënaqur, 24.4% janë neutralë, ndërsa 31.2% janë të pakënaqur ose shumë të pakënaqur.
Edhe puna e Kryeministrit Hristijan Mickoski ka marrë vlerësime pozitive – 40.3% e të anketuarve deklaruan se janë të kënaqur ose shumë të kënaqur me punën e tij të deritanishme.
Për masat që kjo Qeveri ka ndërmarrë, veçanërisht ato që lidhen me shpërndarjen e mjeteve nga kredia e Hungarisë, qytetarët e Maqedonasë kryesisht kanë një qëndrim pozitiv.
Sondazhi u realizua nga 6 deri më 15 dhjetor, duke përdorur metodën CATI – intervista telefonike e asistuar nga kompjuteri, me 1,200 të anketuar (margjina e gabimit: 3%; intervali i besueshmërisë: 95%). Anketa është përfaqësuese në nivel kombëtar në bazë të rajonit, gjinisë, moshës dhe përkatësisë etnike, sipas të dhënave të popullsisë rezidente nga regjistrimi i vitit 2021./Ora24.tv
