Koordinatori i Grupit Parlamentar të VLEN-it, Bekim Qoku, ka reaguar pas deklaratave të Ali Ahmetit në Çair, gjat përvjetorit të themelimit të BDI-së.
Qoku ka theksuar se rinia tani flet me gjuhën e teknologjisë moderne, ndërsa Krerët e BDI-së ende përdorin telefona Nokia!
Shkrimi i plotë i deputetit Bekim Qoku:
“A e di rinia që Ali Ahmeti, Sadulla Duraku, Musa Xhaferi përdorin ende telefon Nokia? Që jetojnë në dhe me mendësinë e fillim shekullit të kaluar? Dhe këto pyetje retorike nuk janë metafora.
Kjo rini e Chatgpt-së, e IA, e rrjeteve sociale, e algoritmave nuk ka asnjë gjasë të rreshtohet pas fosileve politike.
Nëse po, ajo nuk mund të quhet rini.
BDI-së i duhen urgjentisht reforma të thella. Me gjuhën e rinisë, Upgrading të hardwareit (figurave) dhe Updateing të softwareit (mendësisë). Sepse ndryshe nuk janë kompatibil me aktualitetin”, shkruaj Qoku./Ora24.tv
