Presidenti rus, Vladimir Putin, ka hedhur poshtë mundësinë për një takim trepalësh me Zelenskyn.
Duke folur për gazetarët të enjten në Moskë, pas një takimi me presidentin e Emirateve të Bashkuara Arabe, Sheikh Mohammed bin Zayed Al Nahyan, Putini ka thënë se nuk janë pjekur kushtet për këtë.
“E kam thënë vazhdimisht se nuk kam asgjë kundër kësaj mundësie, por duhet të krijohen kushte të caktuara për këtë. Mjerisht, ne jemi shumë larg krijimit të kushteve të tilla”, ka thënë ai.
Tri runde bisedimesh midis Ukrainës dhe Rusisë në Stamboll nuk kanë arritur ta sjellin luftën më afër fundit, tre vjet e gjysmë pasi Moska nisi pushtimin e saj të plotë.
