Prokuroria Themelore Publike (PTHP) Shkup ka nisur hetim dhe ka propozuar paraburgim për një burrë 33-vjeçar nga Shkupi, i cili dyshohet se ka rrezikuar vazhdimisht sigurinë e ish-partneres së tij midis 5 dhe 30 tetorit, duke bërë kërcënime për jetën e saj, transmeton Portalb.mk.
“Përmes mesazheve me shkrim dhe me gojë në një rrjet social, ai e kërcënoi atë me dhunë në familje, ndërsa kërcënimi i sigurinë e saj u intensifikua pasi ajo u largua nga shtëpia e të dyshuarit sepse ajo ishte vazhdimisht e ekspozuar ndaj kërcënimeve dhe fyerjeve”, njoftoi Prokuroria.
Më 30 tetor, burri filloi të sillej në mënyrë agresive para një klinike ku pala e dëmtuar po merrte trajtim dhe kërcënoi se do të vriste vëllain e saj. Ai filloi ta tërhiqte për dore dhe ta detyronte të shkonte përsëri me të në shtëpinë e tij, duke e bërë atë të ndihej e pasigurt, e kërcënuar dhe e frikësuar.
