Deputeti dhe anëtar i VMRO-DPMNE-së, Brane Petrushevski, ka reaguar kundër thirrjeve nacionaliste një ditë më parë në Kumanovë.
Ai theksoi se këto veprime bëhen nga struktura të caktuara për të mbrojtur krimin e tyre.
“Dje pati një ndeshje të shkëlqyer në sallën e rinovuar në Kumanovë, ku isha i pranishëm edhe unë personalisht. Duhet të theksoj se incidentet me gjuhë ksenofobike janë rezultat i një grupi shumë të vogël qytetarësh. Në këtë kontekst, e dënojmë çdo lloj shprehjeje nacionaliste dhe gjuhë të urrejtjes, pa marrë parasysh nga cila anë vijnë. Abuzime të tilla i shkojnë për shtat të gjitha rrymave dhe strukturave politike, të cilat prej dekadash ndjekin një politikë të urrejtjes ndaj njëra-tjetrës. Nacionalizmi dhe gjuha e urrejtjes janë mbrojtja më e mirë e krimit të strukturave që prej vitesh i keqpërdorin marrëdhëniet ndëretnike dhe e shohin këtë si mundësi për të shpëtuar karrierat dhe ekzistencën e tyre në politikë. Qëllimi ynë është të bashkohemi për përparimin dhe të ardhmen e përbashkët të Maqedonisë”, deklaroi Brane Petrushevski nga VMRO-DPMNE.
