Sot shënojmë ditëlindjen e Ibrahim Rugovës, Presidentit të parë të Republikës së Kosovës dhe simbolit të qëndresës paqësore të popullit tonë. Më 2 dhjetor 1944, në fshatin Cerrcë të Istogut, erdhi në jetë njeriu që më vonë do të udhëhiqte betejën politike për liri e pavarësi me urtësi, vizion dhe vendosmëri të pashoqe.
Rugova mbetet i paharruar për filozofinë e tij të rezistencës paqësore, për përkushtimin e palëkundur ndaj çështjes së Kosovës dhe për aftësinë që të fitojë respektin e miqve ndërkombëtarë në momentet më të vështira të historisë sonë. Ai udhëhoqi popullin drejt qetësisë, unitetit dhe pjekurisë politike, duke i dhënë Kosovës një identitet të qartë demokratik.
Edhe pse janë kaluar vite nga ndarja e tij nga jeta, figura e Ibrahim Rugovës vazhdon të jetë frymëzim për brezat që vijnë. Vlerat që ai la pas – demokracia, kultura, paqja dhe dashuria për Kosovën – mbeten gurthemel i shtetit tonë.
Në këtë ditë të shënuar, nderojmë kujtimin e tij dhe rikujtojmë kontributin e jashtëzakonshëm që ai dha për lirinë dhe pavarësinë e Kosovës.
Lavdi jetës dhe veprës së Presidentit Histori!
