Motra e deputetes së PDK-së, Ganimete Musliut, Fatmire Musliu përmes një postimi në Facebook ka falenderuar të gjithë për mesazhet që ka marrë për gjendjen e motrës së saj e cila është operuar në Gjermani, shkruan Reporteri.net.
Ajo ka bërë të ditur se deputetja e PDK-së e ka kaluar me sukses operacionin, por që për shkak të natyrës delikate të ndërhyrjes, ajo thotë se Ganimete Musliut i duhet qetësi dhe përkujdesje.
Mijëra mesazhe, thirrje telefonike, lutje e dëshira që na erdhën nga të gjitha anët e globit, ishin një dëshmi e fortë se pasuria më e madhe në jetë është familja dhe miqësia e vërtetë.
Do t‘ju jemi përjetë mirënjohëse për mbështetjen morale dhe materiale. Dashurinë dhe solidaritetin tuaj do ta mbajmë si një kompas për të ecur në rrugën e duhur. për të na e kujtuar e rikujtuar se sa njerëz të mirë kemi rreth vetës dhe se gjithmonë ja vlenë të jetosh jetën e bazuar në vlera dhe parime.
Falë Zotit, juve dhe mjekëve si në Kosovë po ashtu edhe në Gjermani Ganimete Musliu e kaloi operacionin me sukses, por për shkak të natyrës delikate të ndërhyrjes ka ende nevojë për qetësi dhe përkujdesje.
Shpresojmë shumë në mirëkuptimin tuaj dhe nga zemra ju urojmë shëndet e gjithë të mirat.
Mirupafshim së shpejti në Kosovë 🙏🙏🙏
