Në ambientet e Ministrisë së Shëndetësisë, kryetari i Komunës së Butelit, së bashku me ministrin e Shëndetësisë Azir Aliu, nënshkruan marrëveshjen për realizimin e një prokurimi të përbashkët që ka për synim ndërtimin e një poliklinike të re moderne në këtë komunë.
✅ Mbajtësi i këtij mega-projekti është Komuna e Butelit, ndërsa Ministria e Shëndetësisë do të jetë partnere në zbatimin e tij. Ky konsiderohet një moment historik për qytetarët e Butelit.
Kryetari falënderoi edhe kryeministrin Hristijan Mickoski për mbështetjen e dhënë në këtë projekt madhor.
Procesi ka nisur me projektimin dhe dizajnimin e kujdesshëm të poliklinikës së re, e cila do të ndërtohet sipas standardeve më të larta rregullatore dhe të sigurisë.
Me këtë investim, qytetarët e Butelit do të përfitojnë kushte shumë më të mira për shërbimet shëndetësore dhe nuk do të kenë më nevojë të udhëtojnë dhjetëra kilometra për të plotësuar nevojat e tyre mjekësore.
Plani i detajuar urbanistik tashmë është miratuar dhe ndërtesa e re parashikohet të ngrihet në vendin e ambulancës së vjetër. Punimet pritet të fillojnë shumë shpejt, me vendosjen e gurthemelit të projektit.
Ky është një hap i madh përpara dhe një investim historik.
/https://www.facebook.com/share/p/19iEaNTc7E/
