Operacioni i parë u krye tek një vajzë 14-vjeçare me një anomalitet të lindur të këmbës. U arrit një korrigjim i qëndrueshëm dhe pacientja u rikthye në aktivitetet e zakonshme. Operacionin e udhëhoqën shk. bashk. dr. Nenad Atanasov dhe as. dr. Milena Bogojevska Doksevska, me një ekip që përfshinte dr. Danica Popovska, dr. Armin Amedovski, dr. Rijad Ajro, anesteziologen dr. Liljana Andjeleska, anestezisten Gordana Zaharieva, instrumentaret Biljana Trojanoviç dhe Suzana Pejçinovska, teknik radiologjik Kreshnik Shehu dhe infermieren Irena Galevska.
Operacioni i dytë u krye tek një djalë 13-vjeçar me deformitet të përsëritur të këmbës. Pacienti u shkrua nga spitali në gjendje të mirë dhe pritet të fillojë rehabilitimin. Ekipin e udhëhoqi prof. dr. Zoran Bozhinovski, me anesteziologen dr. Ivana Krstevska Trpkovska dhe asistentët dr. Teodora Bozhinovska dhe Iskra Shojleska Jovanovska. Në operacion morën pjesë edhe stafi mjekësor i nivelit të mesëm: Zlata Apostoloska, Kristina Rexhep, Shirete Murtezani, Kreshnik Shehu dhe Snezhana Todorovska.
Përdorimi i transplantimeve kockore nga kadaverët ka një rëndësi të madhe në ortopedinë pediatrike – shmanget një plagë kirurgjikale e re, dhimbja dhe deformimet shtesë, ndërsa ndërhyrjet bëhen më të sigurta dhe më të shkurtra.
“Dhurimi shpëton dhe ndryshon jetë. Falë familjeve që dhurojnë dhe ekipeve që punojnë me përkushtim, sot kemi dy të rinj që marrin shansin për një jetë më të mirë dhe pa dhimbje,” thotë koordinatorja kombëtare për transplantime, Biljana Kuzmanovska.
Shprehim falënderimet më të sinqerta ndaj të dy ekipeve mjekësore dhe familjeve të donatorëve për humanizmin e tyre.
