Ministria e Mjedisit Jetësor dhe Planifikimit Hapësinor njofton se, sipas të dhënave nga Sistemi Automatik Shtetëror i Monitorimit, më 22.12.2025 përqendrimet mesatare ditore të grimcave PM10 kanë rënë nën pragun e alarmimit prej 150 µg/m³.
Si rezultat, episodi i tejkalimit të pragut të alarmimit për PM10 është ndërprerë në qytetet Shkup dhe Strumicë. Me këtë zhvillim, të gjitha masat dhe rekomandimet e vendosura për shkak të tejkalimit të pragut të alarmimit pushojnë së zbatuari.
Ministria thekson se do të vazhdojë monitorimin e vazhdueshëm të cilësisë së ajrit dhe do të informojë publikun në kohë reale për çdo ndryshim eventual të gjendjes.
