Me pikëllim të thellë ju njoftojmë për ndarjen nga jeta të aktorit të madh shqiptar, Enver Petrovci, një nga figurat më të spikatura të filmit, teatrit dhe televizionit në trojet shqiptare.
Lajmin e konfirmoi familja e tij, ndërsa më herët ishte raportuar nga mediumi ATV.
Petrovci, i lindur më 28 shkurt 1954 në Prishtinë, la pas një karrierë të pasur artistike — si aktor, regjisator dhe pedagog. Mësohet se ai ishte ndër themeluesit e Shkollës së Teatrit “Dodona” dhe Degës së Aktrimit në Universitetin e Prishtinës.
Veprat e tij, interpretimet dhe përkushtimi i palëkundur ndaj artit do të mbeten trashëgimi e çmuar për brezat që vijnë.
Ora24.tv shpreh ngushëllimet më të sinqerta familjes, kolegëve dhe gjithë dashamirësve të tij. Shenjë respekti dhe nderimi për një artist që i dha shumë skenës sonë. Në ditët në vijim, do të sjellim kujtime, intervista e homazhe për të përkujtuar jetën dhe veprat e Enver Petrovcit.
Në emër të redaksisë: Pushofsh në paqe, ikona!
