Prokurori i Prokurorisë Themelore të Shkupit ka iniciuar procedurë kundër një personi për “Vepra të rënda kundër sigurisë së njerëzve dhe pronës në trafikun rrugor”, neni 300 paragrafi 4 lidhur me nenin 297 paragrafi 3 dhe paragrafi 1 të Kodit Penal.
E dyshuara, një grua 40-vjeçare nga Shkupi, më 3 janar në mbrëmje në Volkovo ka drejtuar një automjet Mercedes, duke mbajtur drejtimin e saj, por pa i kushtuar vëmendje të mjaftueshme këmbësorëve që ndodheshin në rrugë ose që sapo ishin nisur të kalonin rrugën.
Me pjesën e përparme të djathtë të automjetit, ajo goditi këmbësorin Goran I., i cili po lëvizte pranë skajit të djathtë të rrugës, në të njëjtën drejtim me makinën, edhe pse si këmbësor ai ishte i detyruar të lëvizte në trotuar. Nga goditja, këmbësori përjetoi lëndime nga të cilat vdiq në vendin e ngjarjes.
Prokurori ka lëshuar disa urdhra për ekspertiza me qëllim të përcaktimit të të gjitha rrethanave të aksidentit rrugor, ndërsa për të dyshuarën janë propozuar masa paraprake – ndalimi i largimit nga vendbanimi dhe konfiskimi i patentës së shoferit.
Ndalim largimi nga shtëpia dhe marrje patente, për gruan që shkeli për vdekje këmbësorin në Shkup
