Romë, 30 nëntor – Qendra Kulturore Rusi–Itali në Romë ka njoftuar rifillimin e sezonit muzikor 2025/2026, i cili do të hapet me koncertin prestigjioz “Imperial Romances”, një mbrëmje e dedikuar muzikës dhe trashëgimisë kulturore të Princit të Madh Konstantinovich Romanov, figurë e shquar e historisë ruse dhe simbol i elegancës artistike, shkruan Zhurnal.mk.
Në këtë aktivitet kulturor ndërkombëtar do të marrin pjesë emra të njohur të skenës muzikore botërore. Mes tyre, si mysafir special dhe përfaqësues i skenës operistike shqiptare dhe maqedonase, do të jetë Mustafa Imeri, tenor dhe drejtor i Operës dhe Baletit të Maqedonisë së Veriut, i cili me praninë e tij pritet t’i japë koncertit një dimension shtesë artistik dhe ceremonial.
Ngjarja do të prezantojë edhe:
Olga Betty, pianiste me karrierë të spikatur ndërkombëtare dhe pedagoge në Konservatorin “L. Refice” në Frosionone
Irina Yakobchuk, soprano e afirmuar botërisht dhe pedagoge e solos këngës në Universitetin Ichun në Kinë
Mariangela Di Gamberardino, soprano dhe profesoreshë në Konservatorin “L. Refice”
Ndërsa moderatore e mbrëmjes do të jetë aktorja Kristina Novikova
Gjatë koncertit do të interpretohen vepra të shkruara nga vetë Princ Konstantin Romanov, si edhe romance të kompozuara mbi poezitë e tij nga mjeshtër të mëdhenj rusë si P.I. Çajkovski, S.V. Rahmaninov dhe të tjerë.
Detajet e eventit
E diel, 30 nëntor 2025, ora 19:00
Vendndodhja: Salla e Madhe e Fakultetit Teologjik “Valden”, Via Pietro Cossa 40, 00193 Romë
Hyrja: 10 euro
Rezervimi i detyrueshëm
Informacione & rezervime: 3881047606 / 3505114575
Ky koncert pritet të jetë një nga ngjarjet më të rëndësishme kulturore të sezonit në Romë, duke bashkuar artistë të nivelit të lartë nga disa vende dhe duke e vendosur edhe një herë artin shqiptar në skenën e madhe ndërkombëtare.
https://www.facebook.com/tafa.imeri/posts/pfbid04mSSub8u4ffpbDQ6VFcRgpX8Ej24Hqeekv5yCqE83QL6aumTJLPSnSGvbMkyyJCyl?rdid=MJg9ofyhn5QKdN51#
