Muhamed Elmazi edhe zyrtarisht ka marrë drejtimin e komunës së Sarajit, pas fitores në zgjedhjet e 19 tetorit, përcjell TV21. Funksionin ia dorëzoi ushtruesi i detyrës Iljas Veseli.
“Sot mora zyrtarisht detyrën e Kryetarit të Komunës së Sarajit, pas ceremonisë së pranim–dorëzimit të mandatit nga tani më ish-kryetari, z. Iljas Veseli. Ky moment për mua nuk është vetëm një përgjegjësi, por edhe një nder i madh për të shërbyer me përkushtim ndaj çdo banori të Sarajit, pa dallim përkatësie, ideje apo bindjeje. Zotohem se do të punoj me nder, transparencë dhe përgjegjësi, duke e bërë komunën tonë një vend të zhvillimit, mirëqenies dhe bashkëpunimit të ndërsjellë. Zoti na ndihmoftë!”, ka shkruar Elmazi.
