Është arrestuar shoferi që sot pas mesditës përplasi për vdekje një çiklist te bulevardi “Goce Dollçev” në Shkup, përcjell TV21. Nga MPB thonë se në vendngjarje ka ndërruar jetë çiklisti 78 vjeç nga Shkupi.
“Sot (03.11.2025) në Shkup, punonjës policie nga SPB Shkup arrestuan H.K. (37) nga Shkupi, pasi rreth orës 12:30 në bulevardin “Goce Dellçev” ai, me automjetin “Passat” me targa të Shkupit, goditi një çiklist, J.Q. (78) nga Shkupi, i cili vdiq në vendngjarje nga plagët e marra. Pas aksidentit, shoferi la automjetin dhe u largua nga vendi i ngjarjes. Megjithatë, pas masave të marra nga policia, ai u gjet dhe u arrestua. Pas dokumentimit të rastit, kundër tij do të parashtrohet kallëzim përkatës”, thonë nga MPB.
