Zëvendëskryeministri i parë dhe kryetar i ardhshëm për kryetar të Komunës së Cairit, Izet Mexhiti, theksoi sot rëndësinë e bashkimit dhe besimit të qytetarëve në vizionin për një Dollnen që ecën përpara.
Gjatë takimeve me banorët e Dollnenit, Debreshtit dhe Zhitoshës, së bashku me Afrim Gashin dhe Zeqirija Ibrahimin, Mexhiti shprehu përkushtimin e tij për zhvillim, ndershmëri dhe drejtësi në qeverisjen lokale.
“Kandidati ynë për kryetar, Blerim Islami, është garancia e këtij ndryshimi të vërtetë. Ai përfaqëson energjinë e re, përkushtimin e palodhur dhe dëshirën për t’i shërbyer qytetarëve me përgjegjësi e transparencë,” tha Mexhiti.
Ai shtoi se vizioni është i qartë: një komunë që punon për çdo fshat, për çdo familje, me zhvillim të barabartë dhe projekte konkrete që përmirësojnë jetën e njerëzve.
Më 2 Nëntor, qytetarët e Dollnenit do të kenë mundësinë ta kthejnë këtë vizion në realitet, duke treguar se bashkimi i tyre nuk ka pengesa.
