Kandidati i pavarur për komunën e Strugës, Mendi Qyra, gjatë vizitës së tij në Austri është takuar me arkitektin e njohur strugan, Driton Coma, në studion e tij të arkitekturës.
Qyra theksoi se është krenari e madhe të shohësh struganë të suksesshëm në botë, por akoma më e madhe është krenaria kur ata nuk e harrojnë vendlindjen.
“Dritoni është shembull i gjallë se si dashuria për Strugën kthehet në investime konkrete, zhvillim dhe besim se vendit tonë i duhet një ndryshim rrënjësor. Ky është vizioni ynë: bashkë me njerëzit tanë, brenda dhe jashtë vendit, do ta ndërtojmë Strugën që e meritojmë,” u shpreh Mendi Qyra.
Takimi u cilësua si një dëshmi e fortë se bashkëpunimi me diasporën është çelësi për një Strugë më të zhvilluar dhe me perspektivë.
