Struga ka lindur gjithmonë njerëz me ëndrra të mëdha. Një prej tyre është Erdal Luso, i cili këtë nëntor do ta çojë emrin e qytetit tonë përtej kufijve të imagjinatës. Ai është një nga të paktët njerëz në botë që do të marrë pjesë në garën legjendare “Sfida Botërore e Atlantikut”, duke u bërë i pari shqiptar dhe i pari nga Maqedonia e Veriut që përpiqet ta kalojë i vetëm oqeanin.
Çfarë e bën historinë e Erdallit edhe më të jashtëzakonshme?
Ai do të lundrojë me një anije me vela të ndërtuar në Strugë, në garazhin e Klubit të Lundrimit “Snegar”. Një anije unike, prej drurit që gjyshi i tij kishte mbjellë dikur në oborr, një trashëgimi e gjallë që sot shndërrohet në mjet për të shkruar histori.
Me vetëm 50 vatë panele diellore dhe fuqinë e erës, kjo anije do ta mbajë Erdalin mbi dallgët e Atlantikut për rreth 40 ditë sfide ekstreme.
Gara është brutale. Shumë dorëzohen nga presioni mendor, disa humbin gjurmët përgjatë rrugës. Por Erdali thotë:
> “Çdo gjë është e planifikuar. Uji, ushqimi, forca e mendjes. Është një udhëtim me veten – pa internet, pa asnjë luks tjetër. Meditimi është miku më i madh.”
Ky rrëfim nuk është vetëm për guximin e një individi. Është dëshmi se Struga është vend i energjisë së papërmbajtshme, ku ëndrrat lindin buzë liqenit dhe shtrihen deri në oqean.
Erdali na kujton se kufijtë ekzistojnë vetëm nëse i pranojmë, ndërsa Struga lind njerëz që guxojnë t’i tejkalojnë.
Në lidhje me këtë, Mendi Qyra, kandidat i pavarur për Komunën e Strugës, u shpreh:
> “Ky është vizioni ‘Për Strugën’: një qytet ku talenti, guximi dhe ëndrrat bëhen realitet.
Historia e Erdallit është frymëzim për të gjithë ne – një dëshmi se Struga mund të lundrojë deri në botë.”
