Mbi 60 mijë persona deri tani janë paraqitur për vaksinim – ekipe parandaluese do të kryejnë vaksinim edhe në kushte shtëpie për persona të moshuar, të palëvizshëm dhe me aftësi të kufizuara

Ministria e Shëndetësisë informon se për vaksinimin kundër gripit sezonal janë paraqitur rreth 60 mijë qytetarë, ndërsa deri më tani janë vaksinuar mbi 8 mijë persona.

Vaksinimi po realizohet në gjithsej 35 pika vaksinimi në mbarë vendin, prej të cilave pesë ndodhen në Shkup.

Të gjithë qytetarët e interesuar mund të paraqiten për vaksinim përmes aplikacionit vakcinacija.mk ose përmes mjekut të tyre amë.

Në vaksinimin falas përfshihen kategoritë e rrezikuara të popullsisë, si: personat mbi 65 vjeç, personat me sëmundje kronike, punonjësit shëndetësorë, gratë shtatzëna, fëmijët e moshës nga 6 muaj deri në 5 vjeç, si dhe personat e vendosur në institucione për mbrojtje sociale të të moshuarve dhe punonjësit e këtyre institucioneve.

Gjithashtu, në organizim të Ministrisë, ekipe preventive nga institucionet shëndetësore në të gjithë vendin kanë filluar vaksinimin kundër gripit sezonal në kushte shtëpie, për persona të moshuar, të palëvizshëm dhe persona me aftësi të kufizuara.

Më poshtë gjendet tabela me numrat e kontaktit për caktimin e vaksinimit sezonal kundër gripit në kushte shtëpie.