Kuvendi miratoi sot Ligjin për Kontrollin e Emisioneve Industriale, i cili do të detyrojë industrinë të përdorë teknikat më të mira të disponueshme (BAT), duke u harmonizuar me standardet mjedisore evropiane.
Ligji parashikon kushte më të rrepta për punën e kapaciteteve industriale, ulje të emisioneve të lejuara dhe monitorim të rregullt të ndotjes nga laboratorë të akredituar. Ai synon përmirësimin e cilësisë së ajrit, ujit dhe tokës, si dhe mbrojtjen e shëndetit të qytetarëve.
Me mbështetje të Bashkimit Evropian, ky ligj është një hap i rëndësishëm drejt menaxhimit efikas të ndotjes dhe integrimit të politikave mjedisore të BE-së.
